काठमाडौँ । निर्वाचन आयोगले आगामी मंसिर ४ गते हुने संघ र प्रदेशसभा निर्वाचनमा शिक्षकहरूका लागि समेत आचार संहिता जारी गरेको छ । आयोगले शिक्षकहरूले चुनाव प्रचार प्रसार गर्न नपाउने भएका छन् ।

आयोगले शिक्षकहरूले कुनै राजनीतिक दलको पक्षमा वा विपक्षमा चुनावसम्बन्धी गतिविधि गर्न नहुने जनाएको हो । यसैगरी, निर्वाचन लक्षित गरी आफ्नो सवारी साधान वा निजी सम्पत्तिसमेत प्रयोग गर्न नदिन आग्रह गरेको छ ।

विद्यालय, महाविद्यालय वा विश्वविद्यालय तथा सोमा सम्बद्ध कर्मचारी, प्राध्यापक तथा शिक्षकले पालना गर्नु पर्ने आचरणमा भनिएको छ, ‘कुनै राजनीतिक दल वा उम्मेदवारको
पक्ष वा विपक्षमा प्रचार प्रसारमा संलग्न हुन वा प्रचार प्रसार गर्न नहुने ।’

यस्तै, वार्षिक बजेट तथा कार्यक्रममा समावेश भएका विषयबाहेक अन्य कार्यक्रममा समेत शिक्षकहरू जान नपाउने जनाएको छ ।