सिन्धुपाल्चोक । जिल्लाको हेलम्बु गाउँपालिका १ मा बुहारीको कुटाइबाट ससुराको मृत्यु भएको छ । पारिवारिक विवाद हुँदा बुहारीले ससुरामाथि कुटपिट गरेकी थिइन् ।

कुटपिटबाट गम्भीर घाइते भएका ससुराको उपचारको क्रममा मृत्यु भएको हो । मृत्यु गुमाउनेमा हेलम्बुको माथिल्लो भेग गाउँपालिका १ गोवागाङ गाउँका ८० वर्षीय कामीढिण्डु लामा रहेका छन् ।

बुहारी २३ वर्षीया रिता तामाङले आइतबार विवादका क्रममा काठको चिर्पटले प्रहार गर्दा लामा घाइते भएका थिए । टाउकोसहित शरीरभर चोट लागेपछि उनलाई तत्काल उपचारका लागि स्थानीय खार्चुङ सामुदायिक स्वास्थ्य चौकीमा लगिएको थियो ।

प्रहरीले आज उपचारका क्रममा ज्यान गएको र बुहारीलाई नियन्त्रणमा लिएर घटनाबारे थप अनुसन्धान अघि बढाइएको प्रहरीले जनाएको छ ।