काठमाडौँ । आगामी मंसिर ४ गते हुने संघ र प्रदेशसभा निर्वाचनका लागि नेकपा एकीकृत समाजवादी रुपन्देही क्षेत्र नम्बर १ बाट महासचिव बेदुराम भूसाल, उपमहासचिव डा. विजय पौडेल र उमापति पाण्डे सिफारिस भएका छन् ।

यस्तै, क्षेत्र नम्बर २ बाट पार्टीका केन्द्रीय सदस्य राजु गुरुङको मात्रै सिफारिस भएका छन् । क्षेत्र नम्बर ३ बाट उमादेवी काफ्ले, कमल भण्डारी, अविराम बिक र इन्द्रजित यादवलाई सिफारिस भएका छन् । क्षेत्र नम्बर ४ बाट श्रीराम यादवको सिफारिस हुँदा क्षेत्र नम्बर ५ बाट कुलेन्द्र पुनलाई सिफारिस भएका छन् ।

नेकपा एसले रुपन्देहीका १० वटा प्रदेशसभा निर्वाचनका लागि भने ३९ जनाको नाम सिफारिस गरेको छ ।

पार्टीको केन्द्रीय सर्कुलरअनुसार नामहरू सिफारिस भए पनि गठबन्धनमा सिट बाँडफाँटपछि मात्रै आधिकारिक उम्मेदवार चयन हुने नेकपा एसले जनाएको छ ।