काठमाडौँ । पछिल्लो २४ घण्टामा कोरोना संक्रमणबाट थप दुई जनाको मृत्यु भएको छ । योसँगै कोरोनाबाट ज्यान गुमाउनेको संख्या १२ हजार ७ जना पुगेको छ ।

स्वास्थ्य तथा जनसंख्या मन्त्रालयका अनुसार सोही अवधिमा दुई सय जनामा कोरोना पुष्टि भएको छ । कूल तीन हजार ५३७ जनाको परीक्षण हुँदा दुई सय जनामा कोरोना पुष्टि भएको हो ।

यस्तै, सोही अवधिमा थप ३३९ जना संक्रमण मुक्त भएका छन् । हाल देशभर सक्रिय संक्रमितको संख्या दुई हजार ६४२ रहेको छ ।