काठमाडौँ । राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देनले संघीय संसदमा आफ्नो अन्तिम भाषण राख्दै सांसद पदबाट राजिनामा दिएका छन् ।

संसदमा बोल्दै उनले पार्टीको एक्लो सदस्यको हिसाबले कयौँ कुरामा आफूलाई उपेक्षा गरेको बताए । यसबीच सबै सांसदहरूले आफूलाई सहयोग गरेको भन्दै उनले धन्यावाद दिए ।

सत्ता पक्षले प्रतिनिधीसभाको चुनाव सम्मै प्रतिनिधीसभाको कार्याकाल रहने गरी पछिल्लो पटक संसदमा विधेयक ल्याएपछि लिङदेन त्यस्तो प्रस्तावप्रति असन्तुष्ट थिए । उनले चुनावको मिति घोषणा भईसकेको र दलहरु चुनावी तायरीमा लागिसकेको बेला संसदको आयु लम्बाउने लाजमर्दाे विषय भएको बताउँदैं आएका थिए ।

उनले अबदेखि यही प्रतिनिधीसभाको वाँकी कार्यकालमा आफनो उपस्थितीस नहुने र आफनो नाममा आउने सेवा सुविधा पनि रोकिदिन पनि संसदबाटै उनले आग्रह गरे ।

‘मेरो नाममा पठाइने तलब भत्ता सुविधा रोक्का गरियोस् । कहीँ कतै लेखेर दिनुपर्छ भने लेखेर दिन तयार छु ,’ लिङ्देनले भने ।

उनले आफूलाई उपेक्षा गर्दै संसदमा ‘ड्यापड्याप’ हान्ने कुर्सीसमेत नभएको ठाउँमा पुर्याइएको बताए । उनले भने, ‘यहाँबाट सर्दै–सर्दै ‘ड्यापड्याप’ हान्ने कुर्सीसमेत नभएको ठाउँमा पुग्दा पनि कुनै दलको माननीय सदस्यबाट अपमानित हुनु परेन ।’

उनले आगामी मंसिर ४ गते हुने प्रतिनिधिसभा निवार्नचका लागि सबै उम्मेदवारलाई शुभकामना दिँदै पुनः सांसद भएर आउने विश्वास व्यक्त गरे । चालु संसदको आफ्नो अन्तिम भाषणमा उनले सभामुख अग्निप्रसाद सापकोटासहित सबै सांसदहरूलाई धन्यवाद दिए ।