काठमाडौँ । प्रतिनिधिसभा र प्रदेशसभाको कार्यकाल तोक्ने प्रस्ताव फिर्ता गर्नु पर्ने सांसदहरूको संशोधन प्रस्ताव सरकारले स्वीकार गरेको छ ।

सरकारले प्रतिनिधिसभामा दर्ता गराएको ‘केही नेपाल ऐनलाई संशोधन गर्न बनेको विधेयक’मा दुवै सदनको कार्यकाल नयाँ निर्वाचन भई पहिलो बैठक बसेको दिनबाट गणना गरिने उल्लेख थियो ।

सत्ता गठबन्धनको दल कांग्रेसका सांसदले प्रस्तावित विधेयकमा संशोधन हालेर प्रतिनिधिसभा र प्रदेशसभाको कार्यकालसम्बन्धी प्रस्तावित व्यवस्थालाई हटाउनु पर्ने भन्दै संशोधन प्रस्ताव दर्ता गरेका थिए ।

सोही विषय समेटिएको विधेयकका दुई वटा दफा (१३ र १४) हटाउने प्रस्तावलाई सरकारले स्वीकार गरेको हो ।