काठमाडौँ । नेकपा माओवादी केन्द्रका उपमहासचिव वर्षमान पुनलाई कोरोना संक्रमण पुष्टि भएको छ ।

पुनलाई आइतबार कोरोना संक्रमण पुष्टि भएको हो । ज्वरो आउने र शरीर दुःख्ने लक्षण देखिएपछि सुरुमा एन्टिजेन र पछि पीसीआर परीक्षण गरिएको थियो ।

दुवै परीक्षणका क्रममा पुनमा संक्रमण पुष्टि देखिएको हो । पुन खुमलटारस्थित निवासमै आराम गरिरहेका छन् । संक्रमित भएपछि उनी सत्तारुढ गठबन्धनको सिटबाँडफाँट कार्यदलको बैठकमा समेत गएनन् ।

पुन चिकित्सकको सुझावअनुसार कम्तिमा पाँच दिन होम आइसोलेसनमै बस्ने छन् । यसअघि पनि उनलाई कोरोना संक्रमण पुष्टि भएको थियो ।