काठमाडौं । नेकपा (माओवादी केन्द्र)ले बोलाएको पदाधिकारी बैठक स्थगित भएको छ । दिउँसो १ बजे पार्टी केन्द्रीय कार्यालयमा पदाधिकारी बैठक बोलाएको थियो ।

समानुपातिक सांसदहरुको विषयमा मापदण्ड बनाउने, दलहरुका वीचमा भईरहेको सिट बााडफाँटका विषय नेताहरुलाई जानकारी गराउने र आगामी चुनावकी रणनीति लगायतका विषयमा छलफल गर्न माओवादीले दिउँसो १ बजे पदाधिकारी बैठक बोलाइएको थियो ।

तर अध्यक्ष पुष्पकमल दाहाल प्रचण्ड प्रधानमन्त्री निवास बालुवाटारमा सत्ता गठबन्धन दलको बैठकमा रहेकाले बैठक स्थगित भएको माओवादी केन्द्रीय कार्यालयले जनाएको छ । प्रधानमन्त्री निवास बालुवाटारमा अहिले सत्ता गठबन्धन दलको बैठक विहान १० बजेबाट चलिरहेको छ ।

गठबन्धन दलमा सिट बाँडफााट सकस परिरहेका बेला कार्यादलका सदस्यहरुसहित गठबन्धनका शीर्ष नेताहरुको बैठक बालुवाटारमा जारी छ ।