नेपालको प्रचलित अनलाइन भुक्तानी सेवा प्रदायक कम्पनी ‘खल्ती’ आइयसओ २७००१ : २०१३ द्वारा प्रमाणित भएको छ। खल्तीले आफूसँग सम्बन्धित सबै सरोकारवालाको डाटा सुरक्षा तथा संचालनलाई आइयसओ २७००१ : २०१३ प्रमाणिकरण गरेको हो। यस प्रमाणिकरण प्राप्त भए संगै अब खल्तीको संचन प्रकृया अझ पारदर्शी र सुरक्षित हुने अपेक्षा गरिएको छ।

आइयसओ २७००१ : २०१३ एक अन्तर्राष्ट्रिय सुरक्षा मापदण्ड हो जसले निजि तथा सरकारी कम्पनीले कसरी आफ्नो डेटा व्यवस्थापन गरिन्छ, सूचना सुरक्षा व्यवस्थापन प्रणालीलाई कार्यान्वयन गरिन्छ, कायम राख्ने र निरन्तर रूपमा सुधार गरिन्छ भन्ने सन्दर्भमा उत्कृष्ट अभ्यासहरू प्रस्तुत गर्दछ। खल्तीले सुरक्षित डाटा सुरक्षा व्यवस्थापन, उपलब्धता र उत्तरदायित्व कायम गर्न तथा सुरक्षा उल्लङ्घनलाई रोक्न र न्यूनीकरण गर्न प्रतिबद्ध रहने वाचा गरेको छ।

यस प्रमाणिकरण बारेमा बोल्दै खल्तीका प्रमुख कार्यकारी अधिकृत विनय खड्काले भने , “हामी आइयसओ २७००१ : २०१३ द्वारा प्रमाणित भए संगै खल्तीको सेवा र डाटा सुरक्षा प्रतिको प्रतिबद्धलाई अझै प्राथमिकता दिँदै साथमा लाग्ने विश्वास दिलाउन चाहन्छौ र साथै हामी प्रतिको यो विश्वासलाई कायम गर्दै अझै गुणस्तरिय सेवा प्रदान गर्न हामीलाई थप चुनौती थपिएको छ जुन पुरा गर्न हामी सदाभ प्रतिबद्ध छौं।”

यस कुरामा थप गर्दै खल्तीका प्रमुख प्रविधि अधिकृत/सहसंस्थापक ध्रुब अधिकारीले भने “प्रमाणीकरणले योग्य हाम्रो खल्तीमा उद्योग मानक सुरक्षा अभ्यासहरू, हामीले दैनिक रूपमा निर्माण गर्ने व्यापार प्रक्रिया र प्रविधिप्रति हाम्रो प्रतिबद्धतालाई समर्थन गर्दछ।”