काठमाडौं । निर्वाचन आयोगले प्रत्यक्ष तर्फका उम्मेदवारहरुले कहाँ चुनाव लड्दा कति खर्च गर्न पाउने भन्ने प्रस्तावित सिलिङमा छलफल गरेको छ । राजनीतिक दलका नेताहरुलाई आयोगमा बोलाएर आयोगले आज खर्चको सिलिङ प्रस्ताव गरेको हो ।

आयोगले खर्चको ५ वटा सिलिङ तयार पारेर छलफलमा प्रस्ताव गरेको छ । त्यसरी सिलिङ बनाउँदा ५५ प्रतिशत निर्वाचन क्षेत्रभित्र सूचीकृत मतदाताहरुको कुल संख्या, २५ प्रतिशत निर्वाचन क्षेत्रको क्षेत्रफल, २० प्रतिशत मतदान केन्द्रको अवस्थालाई आधार बनाएर सिलिङ बनाएको बताएको छ ।

आयोगले तोकेको सिलिङ अनुसार, प्रतिनिधिसभामा ५ वटा क्षेत्रमा अधिकतम २५ लाख खर्च गर्न पाइने प्रस्ताव आयोगले गरेको छ । त्यस्तै २३ क्षेत्रमा २७, ६६ क्षेत्रमा २९ लाख, ४४ क्षेत्रमा ३१ लाख र २७ क्षेत्रमा ३३ लाखसम्म खर्च गर्न पाउने आयोगको प्रस्तावित खर्च सीमा विवरणमा उल्लेख छ ।

तर यसरी आयोगले तोकेको सिलिङ अब्यवहारिक रहेको राजनीतिक दलका नेताहरुले बताएका छन् ।

हेर्नुहोस् कहाँ कति खर्च गर्न पाउने ?