काठमाडौँ । नेपालका लागि टिभिएसको आधिकारिक वितरक कम्पनी जगदम्बा मोटर्सले ‘टिभिएस ग्रेट ग्राण्ड एक्सचेञ्ज एण्ड फाइनान्स मेला’ आयोजना गर्दै छ । यही असोज ३१ देखि कार्तिक ५ गतेसम्म काठमाडौंको भृकुटीमण्डपमा मेला आयोजना हुन लागेको हो ।

मेलामा ग्राहकले कुनै पनि ब्राण्डका पुरानो बाइक तथा स्कुटर एक्सचेञ्ज गर्दा आर्कषक छुट तथा उपहार पाउने छन् । यस मेलामा सहभागी हुने ग्राहकले आफ्नो पुरानो बाइक तथा स्कुटर एक्सचेञ्ज गरेर टिभिएसको मोटरसाइकल र स्कुटर लिँदा पाउने छन् ।

बजार मुल्याङ्कनभन्दा सात हजार बढी, साथै नकिन्दै एक लाख र किन्दा १० लाखसम्मको नगद छुटको योजना रहेको छ । यो योजनामा आर्कषक फाइनान्स अफर पनि समावेश छ । जसअन्तर्गत न्यूनतम २५ प्रतिशत डाउनपेमेन्ट र चार हजार २७७ को मासिक इएमआइमा बाइक तथा स्कुटर लिन सकिन्छ । यसबाहेक ग्राहकले हेलमेट, बाइक कभर, र ब्याग जस्ता उपहार पनि प्राप्त गर्न सक्ने छन् ।

जगदम्बा मोटर्स प्रा.लि. नेपालमा टिभिएसका दुई पांग्रे सवारी साधनका लागि एक मात्र आधिकारिक वितरक हो । कम्पनीको नेपालभर १४० भन्दा बढी डिलरहरुको बलियो राष्ट्रव्यापी वितरण सञ्जालका साथ टिभिएसले बजारमा आफ्नो मजबुत पकड राख्न तथा ग्राहकहरूको मन मस्तिष्कमा उच्च स्थान जमाउन सफल छ ।

गुणस्तरीय उत्पादनहरु, बिक्री पश्चातको उत्कृष्ट सेवा र देशभर जगेडा पार्टपुर्जाहरुको उपलब्धता मार्फत उपभोक्तालाई दिइएको उच्चतम सन्तुष्टिका कारण आज टिभिएस नेपालको सर्वाधिक रुचाइएको टू–ह्विलर ब्राण्डका रुपमा स्थापित छ ।