काठमाडौँ । नेकपा एमालेका अध्यक्ष केपी शर्मा ओली बिरामी भएका छन् । गृह जिल्ला झापा पुगेका उनी अस्वस्थ भएका हुन् ।

उनलाई ज्वरो, रुघाखोकी लागेपछि दमक ९ स्थित निवासमा आराम गरिरहेको एमाले नेता तथा झापा ५ (ख)का उम्मेदवार हिक्मत कार्कीले जानकारी दिए ।

प्रेस चौतारी झापाले मंगलबार साँझ ओलीसँग पत्रकार सम्मेलन राखेको थियो । यद्यपि, उनी विरामी भएपछि सम्मेलनमा जान नसकेको कार्कीले बताए । ओलीलाई ज्वरो आएपछि अन्य आन्तरिक कार्यक्रम तथा भेटघाट स्थगित गरिएको छ।

अध्यक्ष ओली एमालेको तर्फबाट झापा ५ को प्रतिनिधिसभा उम्मेदवार हुन् । उनी मंगलबार झापा पुगेका थिए । उनी झापामा बिहीबारसम्म रहने छन् ।

उनी आफ्नो निर्वाचन क्षेत्र र जिल्लाका अन्य कार्यक्रममा सहभागी हुन पुगेका थिए । अस्वस्थ भएपछि उनी सीधै दमकस्थित निवासमा गएका हुन् ।