काठमाडौँ । ग्लोबल टेक्नोलोजी लिडर शाओमीले नेपाली बजारमा ए सिरिज सार्वजनिक गरेको छ । स्मार्टफोनका नयाँ प्रयोगकर्ताहरूलाई ध्यानमा राख्दै केटरिङ गरिएका रेड्मी ए १ र रेड्मी ए१ प्लस द्रुत इन्टरनेट, स्मुथ सफ्टवेयर अनुभव र ननस्टप मनोरञ्जन प्रदान गर्दछ ।

सार्वजनिक कार्यक्रममा नेपालका कन्ट्री जेनेरल म्यानेजर अमित कुमार पंडाले सबैका लागि उचित मूल्यमा उच्च गुणस्तरको स्मार्टफोन उपलब्द गराउने लक्ष्य राखेको शाओमीले स्मार्टफोनका नयाँ प्रयोगकर्ताहरूका लागि नयाँ रेड्मी सिरिज लञ्च गरेको बताए ।

उनले रेड्मी ए१ र रेड्मी ए१ं लन्च गरेसँगै कम्पनीले नयाँ प्रविधिहरू अनुकूलन गर्न र स्मार्टफोन प्रयोगकर्ताहरूलाई जीवनशैलीमा स्तरवृद्धि गराउन नयाँ स्मार्टफोन सेटहरुलाई अझ आकर्षक बनाउने डिजाइन, लामो ब्याट्री जीवन, र उत्कृष्ट क्यामेरा प्रणाली समावेश गरेको जानकारी दिए ।

उनका अनुसार रेड्मी ए१ २ जिबी प्लस ३२ जिबी भेरियन्टमा ११ हजार ९९९ मूल्यमा, रेड्मी ए१ प्लसको २जिबी +३२ जिबी र ३ जिबी+३२ जिबी भेरियन्टको मूल्य क्रमशः १२ हजार ४९९ र १३ हजार ९९९ मूल्य राखिएको छ ।