काठमाडौँ । देशभर डेङ्गुबाट सङ्क्रमितको सङ्ख्या ५१ हजार १७७ पुगेको छ । तीन दिनमा थप नौ सय १४ नयाँ डेङ्गु सङ्क्रमित थपिएसँगै बुधबारसम्म सङ्क्रमितको सङ्ख्या ५१ हजार १७७ पुगेको हो ।

तीन दिनमा थप दुई जनाको मृत्यु भएको स्वास्थ्य तथा जनसङ्ख्या मन्त्रालयले जनाएको छ । यससँगै डेङ्गुबाट अहिलेसम्म मृत्यु हुनेको सङ्ख्या ५७ पुगेको हो ।

सबैभन्दा धेरै बागमती प्रदेशमा ३९ हजार ६२४ जना डेङ्गुका सङ्क्रमित छन् । लुम्बिनी प्रदेशमा चार हजार ९१८, प्रदेश १ मा दुई हजार ८५, गण्डकी प्रदेशमा एक हजार सात सय २१, सुदूरपश्चिम प्रदेशमा ८९६ र कर्णाली प्रदेशमा ६७६ जना सङ्क्रमित भइसकेका छन् ।