काठमाडौँ । स्पेनी पुलिसले आपत कालीन अवतरणपछि एक व्यावसायिक विमानबाट भागेका १४ जनाको खोजी गरिरहेको छ ।

एक महिलाले आफूले बच्चा जन्माउन लागेको भन्ने अफाबा फैलाएपछि विमानको आपत कालीन अवतरण भएको थियो ।

महिलाले आफूलाई सुत्केरी हुन लागेको दाबी गरेपछि मोरक्कोबाट टर्कीका लागि बुधबार दिउँसो उडेको पेगासस एयरलाइन्सको विमान बार्सिलोनाको एल प्राट विमानस्थलमा आपत कालीन अवतरण गरेको थियो ।

विमान अवतरण गरेपछि २८ जना व्यक्तिहरूको समूह बाहिर निस्किएर भाग्ने प्रयास गरेका थिए । प्रहरीले आधालाई रोक्न सफल भए पनि बाँकी १४ जना विमानस्थलबाट भागे र उनीहरू हाल फरार छन् ।