काठमाडौँ । कोरोना भाइरस र युक्रेन युद्धका विषयमा चिनियाँ राष्ट्रपति शी जिनपिङ र भ्लादिमिर पुटिनबीच शुक्रबार भिडियो कल भएको छ ।

रुसी राष्ट्रपति पुटिनले सीलाई भने, ‘तपाई मस्को आउँदै हुनुहुन्छ, जसले गर्दा विश्वलाई दुई देशबीचको निकटता देखाउन सकोस् ।’

सी जिनपिङ र पुटिनबीच आठ मिनेट कुराकानी भएको थियो । यस क्रममा पुटिनले दुई देशबीचको सैन्य सहयोग बढाउन आग्रह गरेका थिए ।

यसबारे सीले विश्वमा जारी कठिन परिस्थितिमा रुसलाई रणनीतिक सहयोग गर्न चीन तयार रहेको बताए ।

पछिल्लो समय रुस युद्धसँग जुधिरहेको छ भने चीन कोरोना भाइरसको संक्रमणबाट जुधिरहेको छ । योसँगै रुस युक्रेन युद्धपछि लगाइएको आर्थिक प्रतिबन्धसँग संघर्ष गरिरहेको छ ।