काठमाडौँ । सोमबार बिहान फेला परेको यति एअरलाईन्सको ‘ब्लाक बक्स’ छानबिन आयोगलाई जिम्मा दिइएको छ ।

आइतबार बिहान भएको विमान दुर्घटनाको ‘ब्लाक बक्स’ सोमबार भेटिएपछि छानबिन समितिलाई जिम्मा लगाइएको हो । 

नागरिक उड्डयन प्राधिकरणका प्रवक्ता जगन्नाथ निरौलाका अनुसार आइतबार गठन भएको छानबिन समितिले आजदेखि काम सुरु गर्ने भएको छ ।

विमान दुर्घटनामा ‘ब्लाक बक्स’ महत्वपूर्ण प्रमाणका रुपमा रहेको हुन्छ । ककपिटमा भएका कुराकानी तथा अन्य आवाजका लागि ‘ब्लाक बक्स’ले धेरै सूचना दिने गर्छ ।

विमान दुर्घटनापछि बसेको मन्त्रिपरिषद बैठकले पूर्वसचिव नागेन्द्र घिमिरेको संयोजकत्वमा एक छानविन आयोग गठन गरेको थियो ।

जसमा हवाई विज्ञद्वय दीपकप्रकाश बास्तोला, सुनिल थापा, हवाई मर्मत इञ्जिनियर एकराजजङ्ग थापालाई सदस्यमा छन् । आयोगको सदस्य सचिवमा भने संस्कृति, पर्यटन तथा नागरिक उड्डयन मन्त्रालयका सहसचिव बुद्धिसागर लामिछाने रहेका छन् ।