काठमाडौँ । तनहुँको भानु नगरपालिका ६ बस्ने ४९ वर्षीय सन्त बहादुर गुरूङको हत्या आरोपमा एक जना पक्राउ परेका छन् ।

गुरुङलाई खुकुरी प्रहार गरी हत्या गरेको अभियोगमा व्यास नगरपालिका ८ रिस्ती बस्ने २४ वर्षीय आशिस परियारलाई सोमबार दिउँसो पक्राउ गरेको हो ।

इलाका प्रहरी कार्यालय चन्द्रवती र इलाका प्रहरी कार्यालय भानुबाट खटिएको प्रहरीले उनलाई पक्राउ गरेको हो । घटनाबारे प्रहरीले थप अनुसन्धान गरिरहेको छ ।