काठमाडाैं । अभिनेत्री मलिका महतको मुख्य भूमिकामा फिल्म ‘सतिदेवी’ बन्ने भएको छ। फिल्मले चलचित्र विकास बोर्डबाट इजाजत पनि लिइसकेको छ।

लक्ष्मण सुवेदीको निर्देशन, निर्माण तथा लेखनमा बन्ने फिल्ममा मलिकासँगै भोलाराज सापकोटा, कुलदीप अधिकारी, मनिषा सापकोटालगायत कलाकारको अभिनय रहनेछ। फिल्मका अन्य कलाकारहरुको भने तय हुन सकेको छैन।

फिल्ममा एक ग्रामीण युवतीको संघर्षको कथा देखाइने छ।

दिलासा क्रियसन र गोल्डेन स्टेट मुभी मेकर्स एलएलसी क्यालिफोर्नियाको ब्यानरमा फिल्म निर्माण हुने छ।

फिल्मको छायाङ्कन फागुन महिनादेखि सुरु गरिने बताइएको छ।