बलिउड अभिनेता सिद्धार्थ मल्होत्रा ​​र कियारा आडवाणी आजकल आफ्नो सम्बन्धका कारण चर्चामा छन् । मिडिया रिपोर्टका अनुसार दुवैले फेब्रुअरी ६ मा जैसलमेरको सूर्यगढ प्यालेसमा विवाह गर्दैछन् । प्यालेसले यही फेब्रुअरी ४ देखि फेब्रुअरी ६ बीचमा यो भव्य विवाह हुने पक्का गरेको छ ।

मिडिया रिपोर्टका अनुसार यस प्यालेसमा विवाह गर्नको लागि दैनिक भाडा १ देखि २ करोड रुपैयाँसम्म पर्छ । यससँगै पाहुनालाई बोक्न मर्सिडिज बेन्ज, जगुआर, बीएमडब्लुलगायत करिब ७० कारको व्यवस्था गरिएको छ । जैसलमेरमा विवाहपछि मुम्बईमा दुवैको भव्य विवाह समारोह हुनेछ ।

रिपोर्टका अनुसार सिद्धार्थ र कियाराको विवाहको सुरक्षा शाहरुख खानका पूर्व अंगरक्षक यासिन युगललाई दिइएको छ । भनिएको छ फेब्रुअरी ४ मा मुम्बईबाट जैसलमेरका लागि अंगरक्षक र सुरक्षा गार्डहरूको टोली प्रस्थान गर्नेछ।

विवाहमा अमिताभ बच्चनदेखि शाहरुख खान, करण जोहर, वरुण धवन, शाहिद कपूर-मीरा राजपूत र इशा अम्बानीलगायत धेरै सेलिब्रेटीलाई निम्तो दिइएको छ । जसका कारण विवाहअघि नै सबै सुरक्षा व्यवस्था मिलाइएको छ ।