टर्की र सिरियामा फेब्रुअरी ६ मा गएको भूकम्पमा मृत्यु हुनेको संख्या ४५ हजार नाघेको छ ।

अर्कोतर्फ शुक्रबार टर्कीको प्रकोप फेब्रुअरी ६ मा गएको भूकम्पपछि ४७०० परकम्प गएको बताइएकाे छ । प्रत्येक चार मिनेटमा परकम्प आइरहेकाे जनाइएकाे छ । यीमध्ये अधिकांशको तीव्रता ४ भन्दा बढी छ।

संयुक्त राष्ट्रसंघले भूकम्प र युद्धबाट प्रभावित सिरियाको उत्तरपश्चिम क्षेत्रमा राहत सामग्रीका १४२ ट्रक पठाएको छ ।
शुक्रबार फुटबलको अन्तर्राष्ट्रिय निकाय फिफाले पनि टर्की र सिरियाका लागि १० लाख डलर सहयोग गर्ने घोषणा गरेको छ ।

रोयटर्सको रिपोर्टका अनुसार भूकम्पका कारण टर्कीमा ६ लाख करोड रुपैयाँ नोक्सान हुने सम्भावना छ । तर, सरकारले यसलाई ४ लाख करोड मात्रै मानेको छ । प्रतिवेदनका अनुसार सबैभन्दा बढी खर्च भूकम्पका कारण भत्किएका भवनको पुनर्निर्माणमा आउनेछ ।