आइतबार, मंसिर १४, २०८२

दोस्रो भक्तपुर कप–२०७९ को सेमिफाइनलका खेल विहीबार हुने

मेरोन्यूज २०७९ फागुन १० गते १७:५२

भक्तपुर । भक्तपुर युवा टीमको आयोजनामा भइरहेको दोस्रो भक्तपुर कप–२०७९ को क्वाटर फाइनलका सम्पूर्ण खेलहरू बुधबार सम्पन्न भएका छन् । क्वाटर फाइनल खेलको बुधबार भएको बनेपा ब्वाइज र द हेलिङ होम एफसीबीचको पहिलो खेलमा द हेलिङ होम एफसीले बनेपा ब्वाइजलाई ३–० गोलले पराजित गरी सेमिफाइनलको यात्रा तय गरेको छ । खेलबाट द हेलिङ होम एफसीका देवराज तामाङ उत्कृष्ट खेलाडी घोषित भए भने बनेपा ब्वाइजका सहिल केसी उदयीमान खेलाडी घोषित भए ।

त्यस्तै बुधबार नै सम्पन्न सीओबी युथ क्लब र गोदावरी युनाइटेडबीच भएको दोस्रो खेलमा गोदावरी युनाइटेटले सीओबी युथ क्लबलाई ३–१ गोलले पराजित गरी सेमिफाइनलको यात्रा तय गरेको छ । खेलबाट गोदावरी युनाइटेडका क्याप्टेन अरूण लामा उत्कृष्ट खेलाडी घोषित भए भने सीओबी युथ क्लबका मदन पौडेल उदयीमान खेलाडी घोषित भए ।

दोस्रो भक्तपुर कप–२०७९ का दुवै सेमिफाइनलका खेलहरू विहीबार खेलाइनेछ । पहिलो खेल आयोजक भक्तपुर युवा टीमका विरूद्ध द हेलिङ होम एफसी विहान ९ः३० बजे र दोस्रो खेल केदारनाथ सुटर्सका विरूद्ध गोदावरी युनाइटेडबीच दिउँसो १ः०० बजे हुने जानकारी म्याच कमिसनर अनिल सुकुपायोले दिए।

प्रतिक्रिया