काठमाडौं । नेकपा (माओवादी केन्द्र)का अध्यक्ष पुष्पकमल दाहाल प्रचण्ड नेतृत्वमा सरकार निर्माण भएको सय दिन पुगेको छ । सामान्यतयाः सय दिनलाई सरकारको मधुमासको समय पनि भनिन्छ । सय दिनसम्म सरकारले गरेका कामको आलोचना गर्ने काम कमै मात्रामा राजनीतिक दलहरुले गर्ने गर्छन ।

प्रचण्डले पुस १० मा नेकपा एमालेसहितका दलहरुको साथ लिएर देशको बाागडोर सम्हाल्ने मौका पाएका थिए । संसदको तेस्रो दलका रुपमा रहेको माओवादी अध्यक्ष प्रचण्डले त्यसबेला एमाले, राप्रपा, रास्वपा लगायतका दलहरुको साथ लिएर प्रधानमन्त्री बन्ने अवसर पाएका थिए ।

तर उनले राष्ट्रपति निर्वाचनमा फेरिएको समिकरणका कारण एमाले , राप्रपा लगायतका दलहरु सरकारबाट बाहिर पुगे । प्रचण्डले सत्तामा नयाँ सहयात्री पाए । कांग्रेस, जसपा, एकीकृत समाजवादी लगायतका दलहरुलाई साथ लिएर उनी अहिले सरकारको बागडोर सम्हालिरहेका छन् ।

सय दिनमा प्रचण्ड नेतृत्वको सरकारले दुई पटक संसदमा विश्वासको मतको सामना गरेका थिए । धेरै जसो मन्त्रालय त उनले लामो समयसम्म आफैसँग राखेका थिए । जसकाकारण उनको सरकारले सय दिनमा उल्लेखनिय काम नगरेको आरोप लागेको छ ।
सरकारकै तर्फबट भने आफनो सय वर्षमा ३७ बुँदे उपलब्धी हासिल गरेको दावी गरेको छ ।

हेर्नुहोस सरकारकै नजरमा सय दिनमा सरकारको उपलब्धी