काठमाडौँ । अमेरिकी कार निर्माता कम्पनी (टेस्ला इन्कर्पोरेसन)ले आइतबार सांघाईमा नयाँ मेगा फ्याक्ट्री निर्माण गर्ने घोषणा गरेको छ ।

फ्याक्ट्री कम्पनीको ऊर्जा भण्डारण उत्पादन मेगाप्याकको निर्माण गर्न समर्पित हुनेछ । टेस्लाका अधिकारीले सांघाईमा आयोजित परियोजनाको हस्ताक्षर समारोहमा भने, ‘नयाँ प्लान्टले वर्षको तेस्रो त्रैमासिकमा जमिनको जोहो गर्ने र २०२४ को दोस्रो त्रैमासिकमा उत्पादन सुरु गर्नेछ ।’

नयाँ कारखानाले सुरुमा प्रत्येक वर्ष १० हजार मेगाप्याक युनिट उत्पादन गर्ने छ । जुन प्रतिघण्टा लगभग ४० गिगावाट ऊर्जा भण्डारण बराबर हुनेछ । कम्पनीका उत्पादनहरू विश्वव्यापी रूपमा बिक्री गरिने सम्झौतामा उल्लेख छ ।

यो चीनको लिन ग्याङ विशेष क्षेत्र (सांघाई) पाइलट फ्री ट्रेड जोनमा अवस्थित हुनेछ । कारखानाको अवतरणले सय अर्ब युआन (१४.६ बिलियन अमेरिकी डलर)भन्दा बढीको अर्को औद्योगिक क्लस्टर सिर्जना गर्ने अपेक्षा गरिएको लिन ग्याङ विशेष क्षेत्रका लु युले बताए ।

सांघाई नगर सरकारका उपमहासचिव झुआङ मुदीका अनुसार परियोजनाले नयाँ ऊर्जा भण्डारण उद्योगको विकास र सांघाईको हरित र कम कार्बन रूपान्तरणलाई नियन्त्रण गर्न मद्दत गर्नेछ ।