काठमाडौँ । बङ्गालको खाडीमा माछा मार्ने क्रममा बेपत्ता भएका १० जनाको शव फेला परेको छ ।

कक्स बजार सदर पुलिस कार्यालयका इञ्चार्ज रफिकुल इस्लामले पत्रकारलाई बताएअनुसार माछा मार्ने डुङ्गाको शीत भण्डारभित्र शव फेला परेका थिए । पीडित सबैको हातखुट्टा बाँधिएको प्रहरीले जनाएको छ ।

स्थानीय डुङ्गा चालकले सोनाडिया टापुको पश्चिमी भागमा माछा मार्ने डुङ्गा तैरिरहेको देखेपछि त्यसलाई किनारामा तानेको अधिकारीले बताएका छन् ।

घटनाको जानकारी पाएलगत्तै प्रहरी र अग्निनियन्त्रकहरू घटनास्थलमा पुगेका थिए । उनीहरूले अर्ध–सडेगलेका शवहरू फेला पारेका तर शबको पहिचान हुन सकेको छैन ।

लुटेराहरूको एक गिरोहले कम्तिमा १० देखि १२ दिनअघि मछुवाहरूलाई आक्रमण गरेर मारेको हुन सक्ने अनुसन्धानकर्ताहरूले अनुमान गरेका छन् ।