काठमाडौँ । काठमाडौँ महानगरपालिकाका प्रमुख बालेन्द्र साहले दलगत शैक्षिक संगठनको आडमा विद्यालयमा राजनीति गर्नु अपराध भएको बताएका छन् । विद्यालयमा राजनीति गर्ने कुरा कल्पनासम्म पनि गर्न नसकिने उनको भनाइ छ ।

सामाजिक सञ्जाल फेसबुकमा प्रमुख साहले लेखेका छन्, ‘विद्यालय पढ्ने ठाउँ हो। हामी विद्यालयमा राजनीति गर्ने कुरा कल्पना सम्म गर्न सक्दैनौ। त्यस माथि पनि दलगत शैक्षिक संगठनको आडमा विद्यालयमा राजनीति गर्नु अपराध नै हो।’

महानगरभित्रका विद्यालयमा राजनीतिक गतिविधि गर्न वर्जित गरिएको सूचनाको विरोध गर्दै एक अमुक दलगत शैक्षिक संगठनले लगाएको ताला महानगरले फोडेको उल्लेख गर्दै साहले फोड्दै गरेको भिडियो पनि फेसबुकमा पोष्ट गरेका छन् ।

‘काठमाडौं महानगरपालिकाले विद्यालयमा राजनीतिक गतिविधि वर्जित गरिएको सूचनाको विरोध गर्दै एक अमुक दलगत शैक्षिक संगठनले ताला लगाउने दुष्प्रयास यथाशीघ्र ताला फेरेर विफल पारेको छौँ,’ साहले लेखेका छन् ।