अमेरिकी बहुराष्ट्रिय लगानी बैंक जेपी मोर्गन चेजले समस्याग्रस्त क्षेत्रीय बैंक फर्स्ट रिपब्लिक बैंक किन्ने भएको छ । जेपी मोर्गनले बैंकमा रहेको डिपोजिटसहित सबै लगानी समेत किन्ने भएको हो ।

यसबाहेक पनि बैंकको लगभग सबै सम्पत्ति पनि जेपीकै हातमा जाने क्यालिफोनिर्याको वित्तीय सुरक्षा तथा नवप्रवर्तन विभागले जारी गरेको एक विज्ञप्तिमा उल्लेख छ ।

अन्य बैंकहरूले समस्यामा परेकाे रिपब्लिकको उद्धारमा पैसा लगाउनै आनाकानी गरेका थिए । केहीले भने बैंक लिलाम भएमात्रै लगानी गर्ने बताएका थिए ।

फस्ट रिपब्लिकन बैंक पछिल्लो केही महिनायता टाट पल्टिएको तेस्रो बैंक हो । यसअघि सिलिकन भ्याली र सिग्नेचर बैंक टाट पल्टिएका थिए ।

यो वर्षको अहिलेसम्मको अवधिमा बैंकको शेयर मूल्य ९७ प्रतिशतले घटेको छ । शुक्रवार बैंकको शेयर प्रतिकित्ता २ डलर ९९ सेन्टको कीर्तिमानी न्यून स्तरमा आएर बन्द भएको थियो ।

एजेन्सी