काठमाडौँ । सन २०२३ मा पाकिस्तानमा हुने तय भएको एसिया कपका सहभागी हुने टिमको टुंगो लागेको छ । एसीसी प्रिमियर कपको फाइनल खेल आज सम्पन्न भएपछि एसिया कपमा सहभागी हुने टिमको टुंगो लागेको हो ।

एसिया कपमा ६ टिम सहभागी हुनेछन् । एसिया कपमा भारत, पाकिस्तान, श्रीलंका, बंगलादेश, अफगानिस्तान र नेपाल सहभागी हुनेछन् ।

एसिया कपका लागि ५ राष्ट्र स्थायी थिए । नेपाल एसीसी कप जितेर खेल्नका लागि योग्य भएको हो । नेपालले एसीसी प्रिमियर कपको फाइनलमा आज युनाइटेड अरव इमिरेट्सलाई ६ विकेटले हराएर एसिया कपका लागि टिकट काटेको हो ।

एसिया कप खेल्न दुई समूह बनाइएको छ । समूह ‘ए’मा भारत पाकिस्तानसँगै नेपाल रहेको छ । भने समूह ‘बी’ मा श्रीलंका, बंगलादेश र अफगानिस्तान रहेका छन् । नेपालबाहेक समै राष्ट्र टेष्ट मान्यता प्राप्त हुन् ।

सेप्टेम्बर महिनामा हुने प्रतियोगितामा १३ खेल हुनेछन् । पहिला समूह चरणका खेल हुनेछन् । त्यसपछि समूह विजेताबीच फाइनल खेल हुनेछ । खेल एसिएन क्रिकेट काउन्सिलको आयोजनामा हुनेछ ।