काठमाडौं । इण्डियन प्रिमियर लिग (आईपीएल) क्रिकेट अन्तर्गत गएरातिको खेलमा कोलकाता नाइट राइडर्सले सनराइजर्स हैदरावादलाई ५ रनले हराएको छ । जितका लागि १७२ रनको लक्ष्य पछ्याएको हैदरावादले ८ विकेटको क्षति १६६ रनमात्र बनायो ।

हैदरावादका लागि कप्तान एडन मारक्रमले ४१, हेनरिक क्लासनले ३६, अब्दुल समदले २१, मयंक अग्रवालले १८ र राहुल त्रिपाठी २० रन बनाए । बलिङतर्फ कोलकाताका वैभव अरोरा र शार्दुल ठाकुरले २, २ विकेट लिए ।

हैदरावादमा भएको खेलमा टस जितेर पहिले ब्याटिङ गरेको कोलकाताले २० ओभरमा ९ विकेटको क्षतिमा १७१ रन बनाएको थियो । कोलाकाताको लागि कप्तान नितिश राणाले ४२, रिंकु सिंहले ४६ र आन्द्रे रसेलले २४ रन बनाए ।

हैदरावादका लागि म्याक्रो जेन्सन र भुवनेश्वर कुमारले २, २ विकेट लिए ।

यो जितसँगै कोलकाता आईपीएलको अंक तालिकामा आठौं स्थानमा पुगेको छ भने हैदरावाद नवौं स्थानमा छ ।