सामाजिक सञ्जाल ट्विटरले नयाँ सीईओ पाएको छ । कम्पनीका मालिक एलोन मस्कले शुक्रबार ट्वीट गर्दै नयाँ सीईओको नाम घोषणा गरेका हुन् ।

उनले लेखेका छन्, ‘म ट्विटरको नयाँ सीईओका रूपमा लिन्डा याकरिनोलाई स्वागत गर्न पाउँदा उत्साहित छु! लिन्डाले मुख्य रूपमा व्यापार सञ्चालनमा ध्यान दिनेछन्, म भने उत्पादन डिजाइन र नयाँ प्रविधिमा ध्यान दिनेछु।’

उनले आगामी ६ हप्तामा सीईओको कार्यभार सम्हाल्ने बताइएको छ।

काे हुन् लिन्डा याकरिनो ?

लिन्डा याकारिनो २०११ देखि एनबीसी युनिभर्सलमा कार्यरत छिन्। उनी कम्पनीको अध्यक्ष, ग्लोबल एड र पार्टनरशिपको रूपमा काम गर्छिन्। यसअघि लिन्डाले मनोरञ्जन तथा डिजिटल विज्ञापन विभागमा पनि काम गरिसकेकी छिन् । लिन्डाले टर्नरमा १९ वर्षसम्म काम गरिन् । त्यहाँ उनले कार्यकारी उपाध्यक्ष, सीईओ, विज्ञापन प्रमुख र अधिग्रहण प्रमुखको रूपमा काम गरेकी थिइन्।

लिन्डा एप्पल, गुगल जस्ता ब्रान्डसँगको व्यावसायिक साझेदारीका लागि पनि परिचित छिन्। फर्च्यून, फोर्ब्स जस्ता प्रकाशनहरूले उनलाई प्रभावशाली र शक्तिशाली महिलाको रूपमा छानिसकेका छन्। उनको शिक्षाको बारेमा कुरा गर्दा, उनले पेन स्टेट युनिभर्सिटीबाट लिबरल आर्ट्समा डिग्री गरेकी छिन्।

लिन्डाले क्लाउड पिटर मड्राजोसँग विवाह गरिन्। दुवै इटालियन मूलका हुन् र न्यूयोर्कमा बस्छन्।