काठमाडौँ । काठमाडौँ महानगर २६ लैनचौरस्थित वाल्डो क्यासिनोमा चिनियाँ नागरिकको नगद तीन लाख नेपाली रुपैयाँ चोरी गर्ने भारतीय नागरिक पक्राउ परेका छन् ।

चोरीको अभियोगमा भारत पटना घर भएका २८ वर्षीय सरिव खानलाई प्रहरीले पक्राउ गरेको हो । 

चोरी भएको भन्ने खबर प्राप्‍त हुनासाथ प्रहरी वृत्त दरबारमार्गबाट खटिएको प्रहरीले सिसिटिभि लगायतका प्रविधिको सहयोगमा अनुसन्धान गर्ने क्रममा उक्त नगद चोरीमा खानको संलग्नता खुल्न आएको हो ।

दरबारमार्गस्थित प्यालेस क्यासिनोमा जुवा खेलिरहेको अवस्थामा खानलाई पक्राउ गरेको हो ।