काठमाडौँ । नेकपा एकीकृत समाजवादीका सम्मानित नेता झलनाथ खनालले पूर्वराजालाई अभिनन्दन गर्ने कार्यक्रम रोक्न चेतावनी दिएका छन् ।

काठमाडौँमा आयोजित एक पत्रकार सम्मेलनमा बोल्दै नेता खनालले पूर्वराजालाई अभिनन्दनलगायतका कार्यक्रम नगर्न चेतावनी दिएका हुन् ।

हिजो एक कार्यक्रममा राजावादीको समूह खनालमाथि खनिएर उनीविरुद्ध नाराबाजी र हुलहुज्जत गरेका थिए । आज खनालले पत्रकार सम्मेलन आयोजना गरी उक्त घटनाबारे जानकारी गराएका हुन् ।

गणतन्त्र र गणतन्त्रका लागि लड्ने नेताहरूलाई बदनाम गर्ने अभियान भएको बताउँदै खनालले राजनीति दलविरुद्ध गुण्डागर्दी नरोकेमा पूर्वराजालाई देशभर कुनै पनि कार्यक्रम गर्न नदिने चेतावनी दिएका हुन् ।