काठमाडौं । ‘आदिपुरुष’ चलचित्रबारे काठमाडौं महानगरपालिकाका प्रमुख बालेन्द्र साह ‘बालेन’ले लिएको कदममा कलाकार दिपकराज गिरीले समर्थन जनाएका छन् ।

प्रमुख साहले सीतालाइ भारतीय छोरी भनेर चलचित्रमा उल्लेख गरेपछि सो शब्द नसच्चाएसम्म काठमाडौंमा चलाउन नदिने भन्दै गरेको घोषणामा गिरीले समर्थन जनाएका हुन् । 

‘सारा हिन्दु जगतले मानेको कुरा सिता नेपाल कि छोरी हुन्, त्यो कुरामा छेडछाड गर्नु गलत कुरा हो, यो विरुद्धको आवाज सहि हो, सच्चाउनु पर्छ’ गिरीले समर्थन जनाउँदै लेखेका छन् ।  

प्रमुख साहले ‘जानकी भारतीय छोरी हुन्’ भनेर उल्लेख गरेको भन्दै आपत्ति जनाएका थिए । ‘दक्षिण भारतीय फिल्म ‘आदिपुरुष’ मा समावेश ‘जानकी भारतीय छोरी हुन्’ भन्ने शब्द जबसम्म नेपालमा मात्र नभै भारतमा पनि सच्चिदैन तबसम्म काठमाडौ महानगरपालिका भित्र कुनै पनि हिन्दी फिल्म चल्न दिइने छैन । यो सच्याउन ३ दिनको समय दिइएको छ । माता सीताको जय होस ।’ 

प्रमुखको शाहको यो कदमलाई धेरै कलाकारले समर्थन जनाएका छन् ।