काठमाडाैं । बलिउड अभिनेता आमिर खान आफ्नो ड्रेसिङ सेन्सका कारण ट्रोल भएका छन् । सोमबार सम्पन्न सन्नी देओलका छोरा करण देओलको विवाहको रिसेप्शन पार्टीमा सलमान खानलगायत बलिउडका थुप्रै कलाकार पुगेका थिए । आमिर पनि उक्त रिसेप्शनमा उपस्थित थिए ।

पार्टीमा आमिरले ब्राउन कुर्ता र नीलो डेनिम लगाएका थिए । उनको कुर्तामा दाग थियो, जसले प्रयोगकर्ताहरूको ध्यान खिच्यो, र त्यसपछि उनलाई साधारण लुगा लगाएको भन्दै ट्रोल गर्न थालियाे।

उनलाई ट्रोल गर्दै एक प्रयोगकर्ताले लेखे, ‘मेरी आमाले घाँस काट्न जाँदा याे भन्दा राम्रा लुगा लगाउँछिन्। अर्का प्रयोगकर्ताले लेखेका छन्, ‘गरीब खान’ ।

ट्रोलकाबीच केही प्रयोगकर्ता आमिरको समर्थनमा आएका छन् । अभिनेताका केहि फ्यानले उनको साधारणताको प्रशंसा गरेका छन्। आमिरले कहिल्यै ‘शोअफ’ नगर्ने उनीहरूकाे भनाइ छ ।