काठमाडौँ । आईसीसी एक दिवसीय विश्वकप छनोट प्रतियोगितामा जिम्बाव्वे र अमेरिकाको खेल जारी छ । खेल हरारे स्पोर्टस् क्लबमा भएको हो ।

लगातार तीन खेलमा जितसहित सुपर सिक्समा पुगेको जिम्बावे आजको खेलमा जित निकाल्दै अपराजित रुपमा दोस्रो चरणमा पुग्ने देखिएको छ ।

जिम्बाव्वेले कमजोर टिम अमेरिकालाई ४०९ रनको लक्ष्य दिएको छ । खेलमा ६ विकेट गुमाउँदै जिम्बाव्वेले ४०८ रन बनाएको हो ।

जिम्बाव्वेका लागि सेन विलियम्सले १०१ बल खेल्दै सर्वाधिक १७४ रन बनाए । उनले २१ चौका र ५ छक्का प्रहार गरे । जोयलर्ड गुम्बियाले १०३ बल खेल्दै ७८ रन बनाए । उनले पाँच चौका प्रहार गरे । अन्य खेलाडीले ठूलो रन बनाउन सकेनन् ।