काठमाडौं । आइसीसी विश्वकप छनोटको प्लेअफ खेलमा यूएईविरुद्व नेपालले पहिला फिल्डिङ गर्ने भएको छ। जिम्बावेको ताकाशिंगा स्पोर्ट्स क्लबमा नेपालले टस जितेर फिल्डिङ रोजेपछि यूएईले ब्याटिङ गर्ने भएको छ।

आजको खेलमा जित हात पार्ने टोलीले सातौँ स्थानका लागि फाइनल खेल्ने छ । यसअघि विश्वकप छनोटमा नेपाल, आयरल्यान्ड, अमेरिका र यूएई सुपर सिक्स पुग्न असफल भएका थिए ।

नेपालले समूहमा वेस्ट इन्डिज, नेदरल्यान्ड्स र जिम्बावेसँग हार ब्यहोरेकको थियो भने अमेरिकालाई हराएको थियो । यस्तै यूएईले भने सबै चार खेलमा पराजय ब्यहोरेको थियो ।