काठमाडौँ । ललिता निवास जग्गा प्रकरणमा मुछिएका व्यक्तिहरूलाई थप ५ दिन हिरासतमा राख्न अदालतले अनुमति दिएको छ ।

जिल्ला अदालत काठमाडौँले आज यो प्रकरणमा पक्राउ परेकाहरू सञ्चार सचिव कृष्णबहादुर राउतसहित भाटभटेनी सुपरमार्केटका मालिक मीनबहादुर गुरुङ, पूर्व निर्वाचन आयुक्त सुधीरकुमार शाह र मालपोत कार्यालयका पूर्वकर्मचारी धर्मप्रसाद गौतमलगायतलाई ५ दिन हिरासतमा राख्न अनुमति दिएको हो ।

यो प्रकरणमा हालसम्म १८ जना पक्राउ परिसकेका छन् । यसबारे सीआईबीले अनुसन्धान जारी राखेको छ ।