काठमाडौं । नेकपा माओवादी केन्द्रले पनि पार्टीको केन्द्रीय समिति बैठक लाइभ गर्ने भएको छ।

आज बिहान बसेको पदाधिकारी बैठकले बुधबारदेखि सुरू हुने केन्द्रीय समिति बैठक लाइभ गर्ने निर्णय गरेको पार्टीका महासचिव देव गुरूङले जानकारी दिएका हुन् ।

पार्टीका विधान अधिवेशनलगायतका विषयमा छलफल गर्नका लागि माओवादीले साउन १७ गते केन्द्रीय समिति बैठक डाकेको छ । बैठक पाँच दिनसम्म चलाउने पनि आजको बैठकले निर्णय गरेको बताइएको छ ।

यसअघि नेपाली कांग्रेसले पनि केन्द्रीय समिति बैठक लाइभ गरेको थियो।