सन् २०२३ को विश्वकपअघि भारतीय क्रिकेट टोली आईसीसी एकदिवसीय वरीयतामा नम्बर १ टिम बनेको छ ।

एकदिवसीय सिरिजको पहिलो खेलमा अष्ट्रेलियालाई ५ विकेटले पराजित गर्दै भारतीय टोलीले यो उपलब्धि हासिल गरेको हो ।

यो जितसँगै भारतीय टोलीले नयाँ इतिहास रचेको छ ।

अब भारत तीनवटै फर्म्याट, टेस्ट, ओडीआई र टी–२० मा एकैसाथ नम्बर १ को वरीयतामा रहेको छ ।

एसिया कप जित्दा पनि भारत आईसीसी एकदिवसीय वरीयतामा दोस्रो स्थानमा थियो भने पाकिस्तान पहिलो स्थानमा थियो ।

भारतले आफ्नो वरियतामा ११६ अंक बनाएर नम्बर १ टोली बनेको छ । पाकिस्तान ११५ अंकसहित दाेस्राे र अस्ट्रेलिया १११ अङ्कसहित तेस्रो स्थानमा छ ।

यो स्थान हासिल गर्ने भारतीय टिम विश्वको दोस्रो टिम हो। यसअघि सन् २०१२ को अगस्टमा दक्षिण अफ्रिकी क्रिकेट टिमले पनि याे उपलब्धि हासिल गरेको थियो।