क्यानको नयाँ नेतृत्व चयनका लागि मतदान सुरु

मेरोन्यूज २०८० असोज ६ गते १४:३५

काठमाडौं । नेपाल क्रिकेट संघ (क्यान)को मतदान सुरु भएको छ ।

यसअघि क्यानको अध्यक्ष, उपाध्यक्ष, कोषाध्यक्ष, महिला सदस्य र अन्य दुई प्रदेश सदस्य निर्विरोध चयन भइसकेका छन्।

अध्यक्षमा चतुरबहादुर चन्द, उपाध्यक्षमा रोशनकुमार सिंह, कोषाध्यक्षमा पदमबहादुर खड्का, महिला सदस्यमा जयन्तीदेवी भट्ट, कर्णालीमा श्रीधर केसी र लुम्बिनी प्रदेशमा प्रदीप मजगैया निर्विरोध भएका हुन् ।

अब भने अन्य ११ सदस्य पदका लागि मतदान हुन लागेको हो ।

सचिव पदमा पूर्वकप्तान पारस खड्का र कार्यबाहक सचिव प्रशान्तविक्रम मल्लबीच प्रतिस्पर्धा छ ।

निर्वाचनका लागि १७ पदमा ३१ उम्मेदवारी दर्ता भएको छ ।