काठमाडौँ । साफ यू-१९ च्याम्पियनसिप अन्तर्गत नेपालले आज माल्दिभ्सको सामना गर्दै छ । दशरथ रंगशालामा खेल अपराहन्न साढे १ बजेदेखि शुरु हुँदैछ।

शनिबार पाकिस्तान र माल्दिभ्सबीचको खेल १-१ गोलको बराबरी खेलेपछि पाकिस्तानले सेमिफाइनलमा आफ्नो स्थान सुरक्षित गरेरिसकेको छ ।

त्यस्तै माल्दिभ्सको एक खेलमा एक अंक रहेको छ र नेपालको एक खेलमा शुन्य अंक रहेको छ । अब आज हुने नेपाल र माल्दिभ्सबीच खेलको विजेता सेमिफाइनलमा पुग्ने भएको छ । यसकारण नेपाली टोलीलाई आजको खेल जित्नै पर्ने दबाब छ। यदी खेल बराबरीमा रोकिएमा पनि माल्दिभ्स सेमिफाइनलमा पुग्ने छ ।

त्यस्तै समुह बी बाट भारत र भुटान सेमिफाइनलमा पुगिसकेका छन् । बंगलादेशले आफ्ना दुवै खेलमा हार बेहोरेपछि समुह बी बाट भारत र भुटान सेमिफाइनलमा पुगेका हुन् । यद्यपी समुह चरणमा आजै भारत र भुटानबीच पनि साढे ५ बजेदेखि खेल हुँदै छ।