सुर्खेत । नेकपा एमालेको कर्णाली प्रदेश अधिवेशनमा मतदान कार्यक्रम सुरु हुँदै छ ।

शनिबार बेलुकी ६ बजेबाट मतदान सुरु गर्ने भनिए पनि व्यवस्थापनको अभावका कारण मतदान प्रक्रिया अगाडि बढ्न नसकेपछि आजलाई सारिएको हो ।

आज बिहान ८ बजेदेखि दिउँसो २ बजेसम्म सुर्खेतको सिटी हलमा मतदान हुने कार्यतालिका रहेको छ ।

कर्णालीमा अध्यक्षका लागि तीन जना, उपाध्यक्षका लागि तीन, सचिव दुई, उपसचिवका लागि तीन जनाबीच प्रतिस्पर्धा हुँदैछ। अध्यक्षका लागि सल्यानका गुलाबजंग शाह, कालीकोटका मीनबहादुर शाही र कालीकोटकै प्रकाश रोकाया भिड्न लागेका हुन् ।

यसअघि अध्यक्ष पदका लागि पाँच जनाको उम्मेदवारी दिएकोमा दुई जनाले उम्मेदवारी फिर्ता लिएका थिए ।