काठमाडौं । उतै बस्नका लागि अष्ट्रेलिया गएका राष्ट्रिय फुटबलर बिमल घर्तिमगर नेपाल सुपर लिग खेल्न नेपाल फर्कने भएका छन् । उनले सामाजिक सञ्जाल फेसबुकमा आफू नेपाल सुपर लिगमा आइकनिक प्लेयरका रुपमा सहभागी हुने जानकारी गराएका छन् ।

बिमल राष्ट्रिय फुटबल टिमबाट बिदा हुँदै गत साता अष्ट्रेलिया प्रस्थान गरेका थिए । जानुअघि उनले एनएसएलका लागि ललितपुर सिटी एफसीसँग गरेको सम्झौता रद्द गरेका थिए ।

क्लवले उनलाई मार्की खेलाडीका रुपमा अनुवन्ध गरेको थियो । विमलले छोडेपछि उनको स्थानमा अनन्त तामाङलाई ल्याइएको छ ।

अष्ट्रेलियाबाटै बिमलले सामाजिक सञ्जालमा स्टाटस लेख्दै चितवन एफसीबाट खेल्ने बताएका छन् । फेरि पनि आफ्नो माटोमा खेल्ने सुवर्ण मौका दिएको भन्दै उनले क्लवको प्रशंशा गरेका छन् ।