काठमाडौँ । विश्वकप क्रिकेटको दोस्रो खेलमा पाकिस्तान ८१ रनले विजयी भएको छ ।

भारतको हैदरावादमा पहिला ब्याटिङ गरेको पाकिस्तानले नेदरल्याण्डलाई जितका लागि २८७ रनको लक्ष्य दिएको थियो ।

तर, नेदरल्याण्ड त्यो लक्ष्य भेटाउन असफल भयो ।

नेदरल्याण्ड ४१ ओभर अलआउट हुँदै २०५ रनमात्र बनायो ।

नेदरल्याण्डका लागि बास डे लिडे र विक्रमजित सिंहले अर्धसतक बनाए । लिडेले ६८ बल खेल्दै ६७ रन बनाए । सिंहले ६७ बल खेल्दै ५२ रन बनाए । अन्य ब्याट्सम्यानले उल्लेख्य रन बनाउन सकेनन् ।

बलिङमा ह्यारिस रफले तीन विकेट लिए । हसन अलिले दुई विकेट लिए ।

टस हारेर पहिला ब्याटिङ गरेको पाकिस्तानले ४९ ओभरमा अलआउट हुँदै २८६ रन बनाएको थियो । पाकिस्तानका लागि मोहम्मद रिजवान र साउद साकिलले अर्धसतकीय पारी खेले । अन्य ब्याट्सम्यानले उल्लेख्य ब्याटिङ गर्न नसक्दा पाकिस्तान सस्तैमा समेटियो ।

रिजवानले ७५ बलमा ६८ रन बनाए । त्यस्तै साकिलले पनि ५२ बलमा ६८ रन नै बनाए ।

पाकिस्तानका लागि फकर जमान १२ इमाम उल हक १५ कप्तान बाबर आजाम ५ इफ्तिकर अहमद ९ मोहम्मद नवाज ३९ शदाव खान ३२ साहिन साह अफ्रिदी १३ र हरिस रफले १६ रनको योगदान दिए ।

बलिङमा नेदरल्याण्डका बास डे लिडेले ४ कोलिन अकेरमनले २ तथा आर्यन दत्त लोभन भान बिक र पाउल भान मेकेरेनले एक एक विकेट लिए ।