काठमाण्डौ । आईसीसी एकदिवसीय विश्वकप क्रिकेटमा आज भएको खेलमा न्युजिल्यान्डसँग अफगानिस्तान १४९ रनले पराजित भएको छ ।

भारतको चेन्नईमा टस हारेर पहिले ब्याटिङ गरेको न्युजिल्याण्डले अफगानिस्तानलाई २ सय ८९ रनको लक्ष्य दिएको थियो । त्यो लक्ष्य पच्छ्याउने क्रममा अफगानिस्तान ३४ ओभर ४ बलमा १३९ रन बनाएर अलआउट भयो ।

अफगानिस्तानका लागि सबैभन्दा बढी रहमत शाहले ३६ रन बनाए । त्यस्तै अजमतुल्लाह ओमजाइले २७, रहमतुल्लाह गुरवाजले ११, इब्राहिम जर्दानले १४ र इक्राम अलिखिलले १९ रन बनाए । अरु ब्याट्सम्यानले दोहोरो अंकमा रन बनाउन सकेनन् ।

अफगानिस्तानलाई सस्तैमा समेट्न लक्की फर्गुसन र मिचेल सान्टनरले ३, ३ विकेट लिए । त्यस्तै ट्रेन बोल्टले २ विकेट लिए ।

पहिले ब्याटिङ गरेको न्युजिल्यान्डले ५० ओभरमा ६ विकेट गुमाएर २ सय ८८ रन बनाएको थियो ।

न्युजिल्यान्डका लागि ग्लेन फिलिप्सले सर्वाधिक ७१ तथा टम लाथमले ६८ र विल योङले ५४ रन बनाए ।

बलिङतर्फ अफगानिस्तानका नवीन उल हक र अजमतुल्लाह ओमरजाईले २, २ विकेट लिए ।