काठमाडौं । यू–१९ प्रिमियर कपको उपाधिका लागि नेपालले यूएईलाई २८१ रनको लक्ष्य दिएको छ ।

मलेसियाको बायोमास ओभलमा जारी खेलमा नेपालले कप्तान देव खनालको शतकको सहयोगमा निर्धारित ५० ओभरमा ८ विकेट गुमाएर २८० रन बनाएको हो ।

नेपालका लागि कप्तान देव खनालले शतक प्रहार गरे । उत्तम मगरले ५७, ओपनर अर्जुन कुमालले ५५, दीपक डुम्रेले २८ रन र दीपेश कंडेलले १० रन जाेडे ।

यस्तै दीपक बोहरा ५, विशालविक्रम केसी ३, हेमन्त धामी ७ रनमा आउट भए ।