काठमाडौँ । साउदी क्लब अल हिलाल यस बर्षको किङ कपको क्वाटरफाइनलमा पुगेको छ ।

गएराती सम्पन्न राउण्ड १६ को खेलमा अल हाजमलाई ३-० गोल अन्तरले पराजित गर्दै अल हिलाल क्वाटरफाइनलमा पुगेको हो ।

अल हिलालको जितमा अलेक्सान्दर मिट्रोभिकले २ गोल गरेका थिए भने रुबेन नेभेजले एक गोल गरेका थिए ।

अल हिलाल साउदी किङ कपको डिफेन्डिङ च्याम्पियन हो ।

त्यसैगरी अल फैसाली र अल खालीज क्लब पनि किङ कपको क्वाटरफाइनलमा पुगेका छन् ।