काठमाडौं । राजावादी अभियान्ताका रुपमा देखिएका मेडिकल व्यवसायी दुर्गा प्रसाईं नेतृत्वको ‘राष्ट्र, राष्ट्रियता, धर्म, संस्कृति र नागरिक बचाउ महाअभियान’ले आज काठमाडौंमा शक्ति प्रर्दशन देखाएको छ । काठमाडौं उपत्यकाका विभिन्न आठ स्थानबाट र्‍ याली निकालेर बल्खुमा भेला भएका प्रसाईंको आन्दोलनमा प्रहरीले बल्खु क्षेत्रमा बल प्रयोग गर्नु परेको थियो ।

सामान्यतया कोटेश्वर क्षेत्रमा एमालेको युवा विद्यार्थीहरुसँगको झडपमा उत्रिएको प्रसाईंका आन्दोलनमा सहभागीसँग भने बल्खु क्षेत्रमा भने प्रहरीको राम्रैसँग केही समय झडप भएको थियो ।

प्रहरीले लगाएको छेकबार तोडेर त्रिपुरेश्वरतिर अगाडी बढ्ने भन्द्र प्रसाईका आन्दोलनकारी अगाडी बढ्न खोजेपछि प्रहरीले उनीहरुलाई नियन्त्रणमा लिनका लागि पानीको फोहोरा देखि अश्रुग्याँस देखि रबरको गोली समेत प्रहार गरेको थियो ।

प्रहरीका अनुसार प्रसाईंको आन्दोलनका क्रममा प्रहरीले १ सय ५७ सेल अश्रुग्यास प्रहार भएको जनाएको छ । बल्खुमा भएको प्रदर्शनका क्रममा भएको झडप नियन्त्रण गर्नका लागि मात्रै प्रहरीले पानीको फोहोरा, अश्रुग्यास र रबरका गोली प्रहार गरेको थियो।

काठमाडौं उयत्यका प्रहरी कार्यालयका प्रवक्ता एसएसपी दिनेशराज मैनालीका अनुसार वाटर क्याननबाट पानीको फोहोरा, १५७ सेल अश्रुग्यास र ५ राउन्ड रबरको गोली प्रहार गरिएको हो।

प्रारम्भिक विवरण अुनसार प्रहरीको ३ वटा मेघाफोन, शिल्ड–११ थान, हेल्मेट–३ थान र वाटर क्याननमा समेत क्षति पुगेको पनि मैनालीले जानकारी दिए ।

प्रहरीका अनुसार प्रदर्शनकारीतर्फ २३ जना सामान्य घाइते भएका थिए। तीमध्ये १७ जना उपचार पश्चात डिस्चार्ज भइसकेका छन्।