काठमाडौँ । प्रधानमन्त्री पुष्पकमल दाहाल प्रचण्डले मन्त्रिपरिषद्को बैठक बोलाएका छन् ।

बैठक प्रधानमन्त्री तथा मन्त्रिपरिषद्को कार्यालय सिंहदरवारमा आज विहान ९ बजे बैठक बस्न लागेको प्रधानमन्त्रीका प्रेस सल्लाहकार गोविन्द आचार्यले जानकारी दिए ।

आचार्यका अनुसार आजको बैठकमा मन्त्रालयहरूका नियमित प्रस्तावहरूमाथि छलफल तथा निर्णय हुने छ । नियमित बैठक मंगलबार बस्नुपर्ने थियो । तर प्रधानमन्त्रीकाे व्यस्तताले बस्न नसकेका कारण आज बस्न लागेको हो ।

आज बेलुका साढे ९ बजेको प्रधानमन्त्री प्रचण्डको नेतृत्वमा नेपाली प्रतिनिधिमण्डल कोप–२८ मा सहभागी हुन युएई प्रस्थान गर्ने छन् ।