काठमाडौँ । टी–२० सिरिजको चौथो खेलमा अस्ट्रेलियालाई २० रनले हराउँदै भारतले अग्रता लिएको छ। योसँगै भारतीय टोलीले सिरिजमा ३–१ को अग्रता बनाएको छ।

रायपुरस्थित सहिद वीरनारायण सिंह अन्तर्राष्ट्रिय रंगशालामा अस्ट्रेलियाले टस जितेर बलिङ गर्ने निर्णय गरेको थियो।

पहिले ब्याटिङ गरेको भारतले १७४ रन बनाएको थियो। जवाफमा अस्ट्रेलियाको टोली १ सय ५४ रनमा आउट भए सँगै सिरिज हारेको थियो।

भारतका लागि रिंकु सिंहले सर्वाधिक ४६ रन बनाए। यशस्वी जैसवालले ३७ र जितेश शर्माले ३५ रनको योगदान दिए।

रुतुराज गायकवाड ३२ रन बनाएर आउट भए।

अस्ट्रेलियाका लागि बेन डावरिसले ३ तथा तनवीर संघा र जेसन बेहरेनडर्फले २–२ विकेट लिए।